DONKERKAMER

Ek kon geen webwerf opspoor wat handel oor donkerkamer- en ander toerusting wat voorheen gebruik was nie - terwyl donkerkamertoerusting tog 'n integrale deel vorm van fotografie.

Ek sal dit dus waardeer indien u my kan help om hierdie blad uit te brei met inligting wat u moontlik beskikbaar het.

INHOUD

NEGATIEF HOUERS	DIVERSE TOERUSTING	ONTWIKKELINGS TENKS	VERGROTER BYBEHORE
AGFA
	FILMROLLER
ILFORD
LEICA
	GUILOTINE
VOIGTLäNDER

NEGATIEFHOUERS

AGFA

	Hierdie koevert, soos gesien van binne (regs) en buite (links), dateer uit 1940 en is afkomstig uit Duitsland. Daar is ook nog 'n glas negatief in hierdie houer. Die koevert se afmetings is 17 cm x 12.5 cm.
	Hierdie koevert, soos gesien van binne (regs) en buite (links), dateer uit ongeveer 1936 tot 1940. Die koevert se afmetings is 17 cm x 12.5 cm
	Die koevert bevat 35 mm film en dateer vanaf ongeveer 1955.
	In 1971 het ek hierdie 35mm koevert gebruik om negatiewe in te stoor.

ILFORD

	Die koevert is vermoedelik vanuit die laat 40's en die afmetings is 19 cm x 14 cm.
	'n Gewone koevert, 9 x 15 cm groot dateer uit 1953.

LEICA

Hierdie Leica koevert van April 1940 is deur my pa gebruik. Dit is vir 35 mm negatiewe.

VOIGTLäNDER

Die prentjie van die kamera aan die binnekant van hierdie koevert is van 'n Voigtländer Bessavan, 1935. Dit is dus redelik seker dat die koevert ook uit dieselfde jaar is. Die koevert is cm x cm groot.

ONTWIKKELINGS TENKS

	Hierdie is twee tenks om negatiewe in te ontwikkel. Die groter tenk is vir 4x5 dm-negatiewe en die kleiner een vir 6x7 cm negatiewe. Die tenks is van bakeliet gemaak en die negatief rakkies van vlekvrye staal. Die houers is ongeveer 45 jaar oud.
	Ek het baie sentiment aan diè 35 mm ontwikkelingstenk. My moeder het dit sowat 4 jaar gelede aan my gegee as kersgeskenk. . Soos u op die foto kan sien is die handleiding ook nog saam met die stel. Ek vermoed dat die item uit die vroeg 50's dateer.
	Die prys wat op die houer van hierdie Agfa Rondinax 350 ontwikkelingstenk aangedui word is R16,00! Die tenk dateer uit die begin van die sestigerjare en is nog splinternuut. Hierdie tenk is 'n totale ontwikkelingsisteem met sy spiraaltol, ingeboude termometer en 'n lem om die film mee af te sny daarin.

VERGROTER BYBEHORE

	Spot O Matic. Met hierdie toestel is die beligtingstyd vir swart en wit papier bepaal. Ek vermoed dat dit uit die middel sestigs dateer. Dit is nog in die oorspronklike verpakking en die gebruiksaanwysings is ook daarby. Die toestel is in Amerika vervaardig.
	Paterson focus finder. Ek het hierdie apparaat in 1969 gekoop. Dit word in die ligbaan van die vergroter geplaas en vergemaklik die fokus van die beeld deurdat jou kop nie in die ligbaan hoef te kom nie.

DIVERSE TOERUSTING

	Hierdie apparaat word aan die rant van 'n tafel vas geklamp. Die 35mm film spoeletjie word vasgedruk deur die skroefie aan die linkerkant en deur die slinger regs te draai word die film op die spoel gedraai. Dit alles geskied natuurlik in die donker.
	Ek vermoed dat hierdie snyer uit 1930 dateer. Die foto word op die boonste vlak geplaas teen die rant aan die linker kant. Deur dan afwaarts met jou hand te druk wordgesny. Daar is hoegenaamd geen gevaar om jouself raak te sny nie!